Bjarni og Beta í NYC

Já, september er sko orðinn uppháhalds mánuðurinn minn.alla vega á þessu ári. Það er algjör snilld að vera hérna úti í Stóra eplinu í september og vera nýbyrjuð í skólanum. Ég meina hver myndi ekki hata að:

-         hafa milli 20-30 stiga hita (ekki of heitt, ekki of kalt)

-         þurfa aldrei að vakna snemma til að mæta í tíma

-         vera ekki í skólanum á miðvikudögum og föstudögum í þokkabót

-         fá bæði fjölskyldu og æðislega vini í heimsókn

-         kynnast fullt af nýjum NY Íslendingum

-         fara í happy hour og fá sér einn kaldan (jafnvel með kennaranum!) eftir tíma

-         rölta Wall Street á leið í skólann upplifa þetta brjálið sem er í gangi núna og vera KOMIN með vinnu

En ég veit að Adam verður ekki lengi í paradís......... og það á fljótt eftir að kólna svakalega, álagið í skólanum á eftir að aukast til muna, ég þarf að fara að kaupa mér kort í ræktina og hætta að lifa/borða/drekka eins og ég sé í endalausu fríi.

Þessi mynd af mér er mjööög lýsandi fyrir síðustu vikur. Ég í góðu chilli í Beer Gardens sem er alveg niður á tá þar sem hægt er að sjá Frelsisstyttuna og aðeins steinsnar frá skólanum mínum.

Það er mikið búið að vera um gestagang hjá okkur. Fyrst kíktu Pabbi og Nanna í heimsókn. Nanna var í vikuferð með vinkonum sínum og pabbi kom svo og hitti hana og gisti hjá okkur. Þó að pabbi sé ekki mikill túristi í sér (finnst best að liggja flatmaga á sólbekk ALLAN daginn) náðum við Nanna að draga hann á marga af þessu helstu túristastöðum. Minnistæðast var þegar við fórum á hlaðborð/tónleika hjá Harlem Gospel kórnum þar sem náðist ágætis "kirkju-stemmari" og við klöppuðum og sungum "ó happy day" hástöfum. Pabbi er nefninlega lúmskur aðdáandi, er þaggi pabbi?!?

Pabbs and Nancy

Hópurinn fyrir utan Harlem Gospel staðinn. Bjarni var svo elskulegur að skella sér fyrir aftan myndavélina.

Daginn eftir að pabbi og Nancy fóru komu Fríða og Harpa vinkona hennar af Skaganum. Þá var sko fljótt skipti yfir í Sex and the City gírinn þar sem sötrað var á ófáum Cosmopolitans að hætti alvöru New York skvísa. Stelpurnar voru hérna í viku og því höfðum við nægan tíma til að versla (Fríða keypti m.a. 5 skópör Á FYRSTA DEGI!), túristast og djamma. Fimmtudagsdjammið var sérstaklega æðislegt. Þá fórum við út að borða með Rabba og Bjarna (funheitir gæjar sem búa hérna í NY) í aðal djammhverfinu, Meatpacking District. Það kvöld endaði í algjöru rugli og tókst mér að slökkva á vekjaraklukkunni daginn eftir svo Bjarni greyjið svaf yfir sig en hann átti að mæta á námskeið morguninn eftir. Sem betur fer á hann svo nettan yfirmann sem hló bara að þessu!

Á föstudagskvöldið var ákveðið hætta við að fara fancy út að borða og hafa bara kósý-kvöld. Þar tókst mér að setja nýtt Íslandsmet í djúpuáti!! Um laugardagskvöldið var svo aftur djammað þar sem ljóskurnar FJÓRAR fengu aðeins of mikla athygli í bænum!!!!!

Auðvitað með cosmo í hönd

Á sunnudeginum stakk Bjarni svo af til Tennessee á námskeið í næstum viku (fæ ekki kappann aftur heim fyrr en á föstudaginn) en við gellurnar fórum í Sex and the City túrinn sem var æðislegur!!!  Ótrúlega gaman að koma hafa tour guide sem þylur í mann fullt af fróðleik (sumt merkilegra en annað) og skoðuð eru mismunandi hverfi Manhattan. Í gærkvöldi skelltum við okkur svo á flottan rooftop bar og sötruðum enn einn Cosmo-inn 

Stelpurnar fóru svo áðan og þá myndi maður nú halda að ég yrði ein í góðu chilli þangað til ég fæ Bjarnann minn aftur en nei, ætli pabbi og Nancy komi ekki aftur Í KVÖLD (voru í góðu chilli í Karabíska hafinu þar sem pabbi hefur sýnt sinn rétta túrista-anda), hahahah. Það eru bara jafn miklar sviftingar á hótel B&B og á markaðnum í dag!!! Ætla nú reyndar ekki að fara að ræða markaðinn hérna, er notla ekki talað um annað hérna í skólanum og í fréttum og fólk er bara í hálfgerðu shjokki.

Jæja, spurning um að laga aðeins til hérna áður en næstu gesti koma.

Bæjó

-Beta Lehman saknari

PS. Verið nú dugleg að kommenta og bögga Bjarna fyrir að blogga aldrei  

PPS. Já guð, var næstum búin að gleyma. Eftir mikið djúpuát hófust miklar rökræður um hvernig ætti að beygja orðið DJÚPUR. Ég hugsa þetta sem kvenkynsorð í fleirtölu: Hér eru djúpur, djúpur.... En stelpurnar segja að þetta sé karlkynsorð í eintölu og því: Hér er djúpur um DJÚP! What??!?! Er þetta ekki bara e-ð sem landsbyggðarpakk (ekki illa meint sætu gellurnar mínar) segir eða er ég svona steikt??!?!?!